به‌پێی هه‌واڵی کوردپرێس، فه‌ریق جه‌بار یاوه‌ر ئه‌مینداری گشتیی وه‌زاره‌تی پێشمه‌رگه له به‌یاننامه‌یێکدا ئاماژه به‌وه ده‌کات که وه‌زاره‌تی پێشمه‌رگه‌ی هه‌رێمی کوردستان و وه‌زاره‌تی به‌رگریی عێراق پێیان وایه که بۆ سه‌رکوت و له‌ناوبردنی گرووپی تیرۆریستیی داعش و کۆتایی هێنان به ئۆپه‌راسیۆنه‌کانی ئه‌و گرووپه له ناوچه‌کانی دیاله، سه‌ڵاحه‌ددین، که‌رکووک، مه‌خموور و مووسڵ ده‌بێ ئۆپه‌راسیۆنێکی هاوبه‌ش ئه‌نجام بدرێت و تا ئێستا هیچ كۆبوونه‌وه‌یێكی ڕه‌سمی له نێوان وه‌زاره‌ته‌كه‌یان و وه‌زاره‌تی به‌رگریی عێراق له‌باره‌ی گه‌ڕانه‌وه‌ی پێشمه‌رگه بۆ ناوچه جێناكۆكه‌كان نه‌كراوه.
ناوبراو گوتیشی: ئێستاکه وه‌زاره‌تی پێشمه‌رگه چاوه‌ڕوانی به‌ڕێوه‌چوونی کۆبوونه‌وه‌ی فه‌رمییه له‌گه‌ڵ وه‌زاره‌تی به‌رگریی عێراق و ئه‌نجامدانی کاری پێویست و گونجاو بۆ بڕیاردان له‌سه‌ر گه‌ڕانه‌وه‌ی هێزی پێشمه‌رگه بۆ ناوچه جێناکۆکه‌کان.
سه‌رچاوه: هه‌واڵده‌ریی شه‌فه‌ق نیووز
کۆدی هه‌واڵنێر: 60103
Your Comment