بەپێی هەواڵی کوردپرێس، ئەمینداری گشتیی وەزارەتی پێشمەرگە، بە SNNی ڕاگەیاند: تائێستا ناردنی هاوكارییەكەی ئەمریكا بۆ مووچەی هێزەكانی پێشمەرگە بەردەوامە، هیچ بریارێكیش لەبارەی راگرتن یاخود كەم كردنەوەی بڕە پارەكە نەدراوە".

فەریق روكن جەبار یاوەر، ئەمینداری گشتیی وەزارەتی پێشمەرگە وتیشی: ساڵی رابردوو ئەمریكا مانگانە بڕی 22 ملیار دیناری بۆ پێشمەرگە تەرخان كردبوو، كە لە بودجەی گشتیی وڵاتەكەدا جێگیر كرا بوو.

ناوبراو راشیگەیاند ئەو بەرپرسانەی ئەمریكا كە لە هەرێمی كوردستانن، زانیارییان نییە لەسەر ئەوەی ناردنی ئەو هاوكارییە بۆ ئەمساڵ بەردەوامی دەبێت یاخود كەم دەكرێتەوە.

بەرپرسەكەی وەزارەتی پێشمەرگە جەختیشی كردەوە بەغدا هیچ گرفت و ئاستەنگێک بۆ ناردنی هاوكارییەكەی ئەمریكا بۆ پێشمەرگە دروست ناكات.

کۆدی هەواڵنێر: 60113