بەپێی هەواڵی کوردپرێس، شرۆڤەکارەکان لەو باوڕەدان پاش کشانەوەی ئەمریکا لە سووریا کوردەکان کە هاوپەیمانی ئەمریکا بوون لە لایەن تورکیاوە مەترسییان لەسەرە. فەرماندەیێکی هێزی دەریایی پێشووی ئەمریکا و بونیاتنەری کۆمپانیای ئەمنیی نادەوڵەتیی بلەک واتر پێشنیاری کردووە کۆمپانیا ئەمنییەکان شەڕی داعش و بەرگری لە کوردەکان لە ئەستۆ بگرن.
ئریک پرینس فەرماندەی پێشووی هێزی دەریایی ئەمریکا و دامەزرێنەری بلەک واتر هەرچەند کە پشتگیری لە کشانەوی هێزەکانی ئەمریکا لە سووریا دەکات بەڵام جەخت دەکاتەوە پاش کشانەوەی ئەمریکا کوردەکانی سووریا ڕووبەڕووی مەترسی دەبنەوە.
ناوبراو بە فاکس بیزنسی وتووە نابێت کوردە هاوپەیمانەکانی ئەمریکا لە سووریا بە تەنیا بهێڵینەوە، دەتوانین ئەرکی پارستنی ئەوان بخەینە ئەستۆی کومپانیا ئەمنییەکان.
کۆمپانیای نادەوڵەتیی ئەمنیی بلەک واتر پێشتر لە عێراق و ئەفغانستان ئامادە بووە بەڵام پاش ژمارەیێک گەندەڵی نێوەکەی گۆڕی.
کۆدی هەواڵنێر: 60113
Your Comment