به‌پێی هه‌واڵی کوردپرێس، سه‌فین دزه‌یی وته‌بێژی حكوومه‌تی هه‌رێمی كوردستان بۆ ده‌نگی ئه‌مریكا وتوویه‌تی: عێراق وڵاتێکی گرنگه بۆ کۆمه‌ڵگای نێوده‌وڵه‌تی، سه‌قامگیری به واتای سه‌قامگیریی ناوچه‌که و نێوده‌وڵه‌تی دێت، وڵاتان نایانه‌وێت ئاژاوه و ناسه‌قامگیری له ناوچه‌که هه‌بێت، چوونکه هه‌موو لایێک مه‌ترسی ئه‌وه‌یان هه‌یه که دووباره ئه‌گه‌ر بۆشاییێک له نێوان هه‌ولێر و به‌غدا دروست بێت ئه‌گه‌ری هه‌یه ببێته ڕێگاخۆشکه‌ر بۆ سه‌رهه‌ڵدانه‌وه‌ی توندوتیژی داعش.
ناوبراو ئاماژه‌ی به‌وه‌ش کرد: "هه‌موو شانده‌کان پشتیوانیی خۆیان بۆ هه‌رێمی کوردستان دووپات کردوووه‌ته‌وه، جگه له‌وه‌ی پاڵپشتیی خۆیان بۆ په‌ره‌پێدانی په‌یوه‌ندییه‌کانی نێوان هه‌ولێر و به‌غداد ڕاگه‌یاندوووه، له هه‌مان کاتیشدا بایه‌خدان به په‌ره‌پێدانی په‌یوه‌ندیی نێوان ئه‌و وڵاتانه له‌گه‌ڵ هه‌رێمی کوردستان".
دزه‌یی ڕاشی‌گه‌یاند: "به‌شێک له‌و بابه‌تانه‌ی که له نێوان هه‌ولێر و به‌غدا ماونه‌ته‌وه و چاره‌سه‌ر نه‌کراون ئێستا گفتوگۆ هه‌یه و گفتوگۆ و هاتوچۆ له نێوان هه‌ولێر و به‌غدا بوووه‌ته شتێکی ئاسایی وه‌ک جاران نه‌ماوه، جاران ده‌بوووه مانشێتی هه‌واڵه‌کان، هه‌ر ئه‌مڕۆ شاندێکی وه‌زاره‌تی دارایی و پلاندان له به‌غدان بۆ گفتوگۆکردن له‌باره‌ی چه‌ند پرسێک و به به‌رده‌وامی شاندی ئه‌منی ئاڵوگۆڕ ده‌کرێت و هه‌وڵیش ده‌درێت كه‌شوهه‌وایێک دروست بكرێت بۆ گفتوگۆكردن له‌سه‌ر ئه‌و مه‌له‌فانه‌ی پێشتر ده‌ستیان بۆ درێژ نه‌كرابوو".
وته‌بێژی فه‌رمی حكوومه‌تی هه‌رێمی كوردستان ئه‌وه‌شی وتوووه: "له ئه‌نجامی هه‌وڵه سه‌ركه‌وتوووه دیپلۆماسییه‌كانی سه‌رۆكی حكویمه‌تی هه‌رێمی كوردستان و ئه‌و گۆڕانكارییانه‌ی له ناوچه‌كه‌دا هه‌ن، گۆڕانكاری له دۆخه‌كه‌شدا ڕوو ده‌دات، ئه‌وه‌ش به‌ڵگه‌ی ئه‌وه‌یه جێگه و پێگه‌ی هه‌رێمی كوردستان جێگای بایه‌خی ئه‌و وڵاتانه‌یه، هه‌روه‌ک هه‌رێمی كوردستان یاریكه‌رێكی به‌هێزه له‌و گه‌مه سیاسییه‌ی له ناوچه‌كه‌دا ئه‌نجام ده‌درێت، جگه له‌وه‌ی هه‌ولێر هه‌میشه شوێنێک بوووه بۆ چاره‌سه‌ركردنی كێشه ناوخۆیییه‌كانی عیراق و كه‌سایه‌تیی مه‌سعوود بارزانییش توانیوێتی ڕۆڵێكی به‌رچاوی هه‌بێت له چاره‌سه‌ركردنی كێشه‌كان یاخود ڕاگرتنی هاوكێشه‌كان".
کۆدی هه‌واڵنێر: 60103
Your Comment