به‌پێی هه‌واڵی کوردپرێس، سه‌رچاوه‌یێکی وه‌زاره‌تی ده‌ره‌وه‌ی عێراق ڕای‌گه‌یاند که‌ ئه‌مڕۆ دووشه‌ممه‌ 14ی کانوونی دووهه‌می 2018 ژان ئیڤ لودریان وه‌زیری ده‌ره‌وه‌ی فه‌ڕه‌نسا گه‌یشتوووه‌ته‌ به‌غدای پایته‌خت و بڕیاره‌ له‌گه‌ڵ به‌رپرسانی باڵای عێراق کۆ ببێته‌وه‌ بۆ پته‌وکردنی په‌یوه‌ندییه‌کانی نێوان پاریس و به‌غدا.

دوای سه‌ردانی به‌غدا و کۆبوونه‌وه‌ی له‌گه‌ڵ به‌رپرسانی باڵای عێراق لودریان سه‌ردانی هه‌رێمی کوردستان ده‌کات و له‌گه‌ڵ به‌رپرسانی باڵای هه‌رێم کۆ ده‌بێته‌وه‌.

له‌ ماوه‌ی چه‌ند هه‌فته‌ی رابردوودا به‌غدای پایته‌خت جموجۆڵی سیاسیی گه‌وره‌ی به‌خۆوه‌ بینیوه‌ و دوێنێش محه‌مه‌د جه‌واد زه‌ریف وه‌زیری ده‌ره‌وه‌ی ئێران به‌ سه‌رۆکایه‌تیی شاندێکی حکوومه‌تی وڵاته‌که‌ی گه‌یشته‌ به‌غدا.

هاوکات پێنجشه‌ممه‌ی ڕابردووش مایک پۆمپیۆ وه‌زیری ده‌ره‌وه‌ی ئه‌مه‌ریکا سه‌ردانی به‌غدای کرد و دواتر گه‌یشته‌ هه‌ولێری پایته‌خت و له‌گه‌ڵ به‌رپرسانی باڵای هه‌رێمی کوردستان کۆ بوووه‌وه‌.

سه‌رچاوه‌: خه‌ندان

کۆدی هه‌واڵنێر: 60103