بەپێی هەواڵی کوردپرێس، شێركۆ جه‌وده‌ت سه‌رۆكی فراكسیۆنی یه‌كگرتوی ئیسلامی له‌په‌رله‌مانی كوردستان بهSNNی ڕاگه‌یاند: "به‌هۆی ئه‌وه‌ی تیچووی ده‌رهێنان و هه‌نارده‌ی نه‌وتی هه‌رێم له ئه‌ستۆی كۆمپانیاكانی نه‌وته و پشكیان له قازانجی فرۆشتنی نه‌وتی هه‌رێم هه‌یه، بۆیه به‌شێكی زۆری داهاتی نه‌وت بۆ كۆمپانیاكانی نه‌وت ده‌چێت".
ناوبراو وتیشی:"ئه‌وه‌ش له چوارچێوه‌ی گرێبه‌سته 25 ساڵییه‌كه‌ی كۆمپانیاكان له‌گه‌ڵ حكوومه‌تی هه‌رێم ڕێكخراوه".
قه‌رزی كۆمپانیاكانی نه‌وت كه ماوه‌ی نزیكه‌ی دوو ساڵه مانگانه له‌لایه‌ن حكوومه‌تی هه‌رێمه‌وه ده‌درێته‌وه، به‌ڵام هیچ زانیارییێک نازانرێت له‌باره‌ی ئه‌وه‌ی چه‌ندی دراوته‌وه‌و چه‌ندی ماوه.
له‌و ڕوه‌شه‌وه سه‌رۆكی فراكسیۆنی یه‌كگرتوو وتی: "له خولی ڕابردووی په‌رله‌مانی كوردستان، سندووقی كوردستان بۆ داهاته نه‌وتی و غازیه‌كان په‌سه‌ندكرا، به‌ڵام دامه‌زراندنی سندووقه‌كه جێبه‌جێ نه‌كرا".
ئه‌وه‌شی ڕاگه‌یاند، "له‌م خوله‌دا فشاری جدی ده‌كه‌ین بۆ دامه‌زراندنی ئه‌و سندووقه كه سێ ئه‌ركی سه‌ره‌كی له ئه‌ستۆدایه، وردبینی، شه‌فافیه‌ت و كۆنترۆڵ كردنی داهاتی سامانه سروشتییه‌كان، چوونكه له ڕێگه‌ی ئه‌و سندووقه‌وه ده‌زانرێت بڕی داهات چه‌نده و چه‌ند قه‌رز له‌سه‌ر حكوومه‌ت ماوه‌و چه‌ندی دراوه‌ته‌وه".
کۆدی هەواڵنێر: 60113
Your Comment