به‌پێی هه‌واڵی کوردپرێس، ئه‌مڕۆ سێشه‌ممه 8ی کانوونی دووهه‌می 2019 ده‌وڵه‌ت باخچه‌لی سه‌رۆكی گشتیی مه‌هه‌په له میانی كۆبوونه‌وه‌ی فراكسیۆنی پارته‌كه‌ی له په‌رله‌مانی توركیا وتارێكی پێشكه‌ش كرد.
ده‌وڵه‌ت باخچه‌لی گوتی: "ئه‌مریكا چی ده‌كات با بیكات، كێ چی ده‌ڵێت با بیڵێت؛ ده‌بێت توركیا له‌پێناو ماف، دادپه‌روه‌ری، یاسا، مانه‌وه و ئاسایشی سته‌مدیده‌كاندا بچێته خۆرهه‌ڵاتی فوراته‌وه و ئه‌وه‌ی پێویسته ئه‌نجامی بدات."
سه‌رۆكی گشتیی مه‌هه‌په كاردانه‌وه‌ی توندی دژ به لێدوانه‌كانی جۆن بۆڵتۆن ڕاوێژكاری ئاسایشی نه‌ته‌وه‌یی له كۆشكی سپی له‌باره‌ی سووریاوه نیشان دا و ڕای‌گه‌یاند: "توركیا وه‌ک ده‌وڵه‌تێكی سه‌ربه‌خۆ و خاوه‌ن سه‌روه‌ری له تۆ و گه‌وره‌كه‌ت ده‌پرسێت چی چۆن ئه‌نجام ده‌دات؟ ئه‌مه چ بێ ئه‌ده‌بییه‌كه؟ به هیچ شێوه‌یێک قه‌سابی مرۆڤ و ڕێكخراوه ناپاكه‌كان كه هاوپه‌یمانی ئێوه‌ن، په‌یوه‌ندییان به برا به‌ڕه‌چه‌ڵه‌ک كورده‌كانمانه‌وه نییه. ئه‌وان تیرۆریست و خوێنڕێژ و دڕنده‌ن، له هه‌ر شوێنێک ببینرێن، له‌ناوبردنیان ئه‌رکه".
سه‌رچاوه: ڕۆژنامه‌ی یه‌نی شه‌فه‌ق
کۆدی هه‌واڵنێر: 60103
Your Comment