به‌پێی هه‌واڵی کوردپرێس، ڕۆژی دووشه‌ممه 7ی کانوونی دووهه‌می 2018 گرووپی خۆبه‌خشی خروماڵ سه‌ردانێکی بۆ لای پارێزگاری هه‌ڵه‌بجه ئه‌نجام دا و به دوای کۆبوونه‌وه‌که سامان نامیق لێپرسراوى گرووپى خۆبه‌خشى خورماڵ ڕای‌گه‌یاند: له‌و سه‌ردانه‌دا بۆ لاى پارێزگارى هه‌ڵه‌بجه داوامان کردووه که ناحیه‌ى خورماڵ بکرێته قه‌زا بۆ ئه‌وه‌ى جارێکى‌تر کۆمه‌ڵێک خزمه‌تگوزارى هه‌یه بۆى دابین بکرێت.
ناوبراو وتیشى: هه‌ر له‌و سه‌ردانه‌دا داوامان کردوووه که زمانى هه‌ورامى له ناو پرۆگرامى په‌روه‌رده و فێرکردن جێگیر بکرێت، هه‌روه‌ها ئه‌و کێشه و گیر و گرفتانه‌مان بۆ چاره‌سه‌ر بکرێت که خورماڵ و هه‌ورامان له ڕووى ئیداری و خزمه‌تگوزارییه‌وه ڕووبه‌ڕووى بوونه‌ته‌وه.
سامان نامیق ئاماژه‌ى به‌وه‌ش کرد که ئازاد تۆفیق پارێزگارى هه‌ڵه‌بجه پشتگیریی داواکارییه‌کانى کردوون و به‌ڵێنى پێداون که به‌دواداچوون بۆ گرفته‌کانیان بکات و له ڕێگه‌ى حکوومه‌ت و په‌رله‌مان و وه‌زاره‌ته په‌یوه‌ندیداره‌کانه‌وه هه‌وڵى چاره‌سه‌رکردنیان بدات.
کۆدی هه‌واڵنێر: 60103
Your Comment