به‌پێی هه‌واڵی کوردستان، ناسر هه‌ركی په‌رله‌مانتاری پارتی له ئه‌نجومه‌نی نوێنه‌رانی عێراق ڕای‌گه‌یاند: "به‌غدا ڕازی بوووه جێگه‌ی به‌ندێکی تایبه‌ت به بودجه‌ی پێشمه‌رگه له پرۆژه‌یاسای بودجه‌ی گشتیی عێراق بكرێته‌وه."
له‌لایێكی دیكه‌وه و هه‌ر له چوارچێوه‌ی ئه‌م پرسه‌دا گوته‌بێژی وه‌زاره‌تی پێشمه‌رگه جه‌ختی كرده‌وه: "عێراق چاوه‌ڕێی دانانی وه‌زیری به‌رگری و کوردستانیش چاوه‌ڕێی حکوومه‌تی نوێیه تا گفتوگۆ بۆ چاره‌سه‌ری کێشه‌کان ده‌ست پێبکه‌نه‌وه."
لای خۆشیه‌وه جه‌بار یاوه‌ر بریكاری وه‌زاره‌تی پێشمه‌رگه ده‌ڵێت: "تا ئێستا هیچ كۆبوونه‌وه و هه‌ماهه‌نگیێكی فه‌رمی له‌گه‌ڵ حكوومه‌تی فیدراڵ له‌باره‌ی ئه‌و بابه‌ته‌وه نه‌كراوه به‌ڵام چاوه‌ڕێی ڕاگه‌یاندنی ته‌واوی په‌یكه‌ری حكوومه‌تی عێراق و پێكهێنانی حكوومه‌تی هه‌رێمی كوردستانین بۆ ئه‌وه‌ی هه‌وڵی چاره‌سه‌ركردنی ئه‌و بابه‌ته بده‌ین."
شایانی باسه؛ بودجه تاقیکردنه‌وه‌یێکی قورسه له به‌رده‌م کابینه‌که‌ی عه‌بدولمه‌هدی چوونكه چیتر به‌غدای سه‌رده‌می عه‌بادی نییه و بۆ له‌مه‌دوا له چاوی عێراقدا هه‌ولێر هاوبه‌شێکی ڕاسته‌قینه‌یه.
سه‌رچاوه: K24
کۆدی هه‌واڵنێر: 60103
Your Comment