به‌پێی هه‌واڵی کوردپرێس، له‌ چه‌ند ڕۆژ پێش ئێستاوه‌ شه‌ڕ و پێکدادان له‌ نێوان گرووپه‌کانی ته‌حریرولشام و سوپای ئازادی سووریا له‌ ئیدلب ده‌ستی پێکردوووه‌ و پێکدادانه‌کان ته‌شه‌نه‌ی سه‌ندوووه‌ و ژماره‌ی کوژراوان به‌ 97 که‌س گه‌یشتوووه‌.

شه‌ڕ و پێکدادان له‌ نێوان ته‌حریرولشامی سه‌ر به‌ ئه‌لقاعیده له‌گه‌ڵ گرووپی نووره‌ددین زه‌نکی له‌ گرووپه‌کانی سه‌ر به‌ سوپای ئازادی سووریا ڕووی داوه‌. ته‌حریرولشام باس له‌وه‌ ده‌کات که‌ هه‌فته‌ی له‌مه‌وبه‌ر گرووپی نووره‌ددین زه‌نکی 5 هێزی سه‌ر به‌و گرووپه‌ی کوشتوووه‌ هه‌ر بۆیه‌ ئه‌وانیش له‌ سێ قۆڵه‌وه‌ هێرشیان بۆ سه‌ر ئه‌و گرووپه‌ ده‌ست پێکردوووه‌ که‌ ئه‌و هێرشانه‌ شه‌ڕ و پێکدادانی قورس له‌ ئیدلبی لێکه‌وتۆته‌وه‌.

به‌ گوێره‌ی ئه‌و زانیارییانه‌ی ده‌ست که‌وتوون، ته‌حریرولشام له‌ سێ ڕۆژی ڕابردوودا 11 گوندی له‌ ده‌ورو‌به‌ری ئیدلب کۆنتڕۆڵ کردوووه‌ که‌ پێشتر له‌ ده‌ستی سوپای ئازادی سووریادا بوو. له‌و پێکدادانه‌دا 49 هێزی سه‌ر به‌ ته‌حریرولشام، 40 هێزی سوپای ئازادی سووریا و 8 هاووڵاتی مه‌ده‌نی له‌وان سێ منداڵ کوژراون.

سه‌رچاوه‌: ڕۆژنامه‌ی دیوار

کۆدی هه‌واڵنێر: 60103