به‌پێی هه‌واڵی کوردپرێس، سه‌فا ئه‌عسه‌م شاره‌زای بواری سه‌ربازی گوتی: ئه‌مریكا 14 بنكه‌ی سه‌ربازی وشكانی له عێراقدا هه‌یه به‌ڵام له‌ژێر چه‌تری ڕاوێژكار‌و ڕاهێنه‌رانی سه‌ربازی له وڵاتدا كار ده‌كه‌ن.
ناوبراو ڕاشیگه‌یاند: ئه‌و شوێنانه‌ی بنكه‌كانی سه‌ربازی ئه‌مریكای لێیه بریتییه له فڕۆكه‌خانه‌ی موسه‌ننا له به‌غداد، ناسریه و گه‌یاره له مووسڵ، حه‌بانیه و قائیم له ئه‌نبار و چه‌ند ناوچه‌یێكی دیكه‌ش.
سه‌فا ئه‌عسه‌م وتیشی: ته‌نها له هه‌رێمی كوردستاندا چوار بنكه‌ی سه‌ربازیی وشكانی ئه‌مریكای لێیه و حكوومه‌تی عێراق هیچ ده‌سه‌ڵاتێكی به سه‌ر سه‌ربازه‌كانی ئه‌مریكا له عێراقدا نییه.
ناوبراو له کۆتاییدا ئاماژه‌ی به‌وه کرد: ئه‌و سه‌ربازانه به بێ گه‌ڕانه‌وه بۆ حكوومه‌تی عێراق هه‌ر جموجۆڵ و چالاكی و كارێكیان بوێت ئه‌نجامی ده‌ده‌ن و هیچ سانسۆرێكیان له‌سه‌ر نییه.
کۆدی هه‌واڵنێر: 60103
Your Comment