کوردپرێس:

وەزارەتی بەرگریی حكوومەتی سوریا لە رێی بەیاننامەیێكەوە ڕوونی كردۆتەوە، لە چوارچێوەی رێككەوتنێكی پێشوەختدا، 400 شەڕڤانی كورد بە زیاتر لە 30 ئۆتۆمبێل مەنبەج-یان بەرەو خۆرهەڵاتی رووباری فورات بەجێ هێشتوە.

هەر بە پێی بەیاننامەکەی وەزارەتی بەرگریی سووریا رێككەوتنەكە بۆ گەڕاندنەوەی ژیانی ئاساییە بۆ ناوچەكانی باكووری سووریا و لە 1-1-2019ەوە چۆتە بواری جێبەجێ­كردنەوە و دەڵێت "كاروانێكی یەكینەكانی شەڕڤانانی كورد بە زیاتر لە 30 ئۆتۆمبێل ناوچەی مەنبج-یان بەجێهێشتوە.

بەیاننامەکە زیادی دەکات: هێزەکانی یەپەگە چوونەتە كەناراوەكانی خۆرهەڵاتی رووباری فورات و بە دیاریكراوی بۆ گوندی قەرەقۆزاق بە دووریی 25 كیلۆمەتر لە باكووری خۆرهەڵاتی شاری مەنبج.