بەپێی هەواڵی کوردپرێس، دادگای فیدڕاڵی عێراق ئه‌مڕۆ یه‌كشه‌ممه‌ كۆبووه‌وه‌ و یه‌كه‌م بڕگه‌ی كۆبوونه‌وه‌كه‌ تایبه‌ت بوو به‌ یەکلایی کردنەوەی دۆسیەی هۆشیار زێباری، کە لە ماوەی رابردوو له‌سه‌ر سكاڵای چوار په‌رله‌مانتار، دادگا بڕیاری كاندیدبوونی بەشێوەیەکی کاتی راگرتبوو.

دادگای فیدڕاڵی عێراق له‌ كۆبوونه‌وه‌ی ئه‌مڕۆیدا بڕیاریدا بە شایستەنەبوونی هۆشیار زێباری بۆ پۆستی سەرۆک کۆمار و رێگه‌ به‌ناوبراو نادرێت خۆی کاندید بکات و لە داهاتووشدا ناتوانێت خۆی کاندید بکات.