به‌پێی هه‌واڵی کوردپرێس، وه‌زاره‌تی ئه‌وقاف له به‌یاننامه‌یێكدا ڕای‌گه‌یاندوووه: له كاتێكدا زۆربه‌ی وڵاتانی جیهان یادی له‌دایكبوونی پێغه‌مبه‌ر عیسا ده‌كه‌نه‌وه و جیهانیش له‌خۆ ئاماده‌كردندان بۆ پێشوازیی له هاتنی ساڵێكی نوێی زایینی، وه‌ک هه‌میشه ساڵانه لێره و له‌وێ چه‌ند ده‌نگێكی ناساز به‌رز ده‌بنه‌وه، له‌بری باسی پێكه‌وه‌ژیان و ڕێزگرتن له په‌یڕه‌وكارانی ئایینی مه‌سیح و قبووڵكردنی به‌رانبه‌ر، ده‌ست ده‌كه‌ن به هێرش كردنه سه‌ر بۆنه‌ی هاووڵاتییانی مه‌سیحی به چه‌ندین ده‌سته‌واژه و وشه‌ی برینداركار كه پێش هه‌ر شتێک پێچه‌وانه‌ی ڕۆح و ناوه‌ڕۆكی ئایینی پیرۆزی ئیسلامه.
هه‌روه‌ها وه‌زاره‌ته‌كه نووسیویه‌تی: "دواترینی ئهو ده‌نگه ناسازانه قسه‌كانی مه‌هدی ئه‌لسومه‌یده‌عی به ناو موفتی وڵاتی عێراق بوو كه له لێكدانه‌وه‌یێكی فه‌توائاسادا لێدوانێكی دژ به خۆشی ده‌ربڕین به یادی له‌دایكبوونی پێغه‌مبه‌ر عیسا و ئاهه‌نگه‌كانی سه‌ری ساڵی زایینی دا و قسه‌كانی دژ به بنه‌ماكانی عه‌قڵ و لێبورده‌ییی ئایینی بوون".
وه‌زاره‌تى ئه‌وقاف و كاروباری ئایینى هه‌رێم ڕوونی كردوووه‌ته‌وه که به توندی دژی لێدوانه‌كانی ناوبراون و ئهو جۆره بۆچوونه هه‌‌ڵانه‌‌ش به ته‌‌واوه‌‌تی وه‌ک بۆچوونی گرووپی دڕنده‌ی داعشه و داواش ده‌كات ڕێكاری یاسایی له به‌رانبه‌ردا بگیرێته‌به‌ر.
سه‌رچاوه: میدیاکانی عێراق
کۆدی هه‌واڵنێر: 60103
Your Comment