کوردپرێس: به‌گوێره‌ی به‌یاننامه‌یێكی وه‌زاره‌تی به‌رگریی عێراق، كۆبوونه‌وه‌كه له‌سه‌ر فه‌رمانی عادل عه‌بدولمه‌هدی، فه‌رمانده‌ی گشتیی هێزه چه‌كداره‌كانی عێراق و به سه‌رپه‌رشتیی عوسمان غانمی، سوپاسالاری عێراق له نێوان وه‌زاره‌تی پێشمه‌رگه‌ی كوردستان و به‌رگریی عێراق ئه‌نجام درا.
له به‌یاننامه‌كه‌دا ئاماژه به‌وه دراوه، "كۆبوونه‌وه‌كه له‌نێوان لێژنه سه‌ره‌كی و لاوه‌كییه هاوبه‌شه‌كانی نێوان هه‌ردوولا به‌ڕێوه‌چوو".
وه‌ك راشیگه‌یاند له كۆبوونه‌وه‌كه‌دا ئه‌نجامی ئه‌و كۆبوونه‌وه‌یه خرایه به‌ر باس، كه پێشتر له نێوان سوپاسالاری عێراق و سه‌ركرده‌كانی هه‌رێمی كوردستان ئه‌نجام درا بوو".
به‌یاننامه‌كه ئاشكراشي كرد "كۆبوونه‌وه‌كه به ده‌ركردنی ژماره‌یێک راسپارده و رێككه‌وتن له‌سه‌ر پێكهێنانی چه‌ند ناوه‌ندێكی هه‌ماهه‌نگیی هاوبه‌ش له نێوان وه‌زاره‌تی پێشمه‌رگه‌ی كوردستان و وه‌زاره‌تی به‌رگریی عێراق كۆتایی هات، به‌شێوه‌یێک كه رێگه به دزه‌كردنی تیرۆریستان نه‌درێت و ده‌سه‌ڵاتی ته‌واو به كه‌رته‌كانی سه‌ربازیی عێراق بدرێت، بۆ ئه‌وه‌ی هه‌ماهه‌نگی له‌گه‌ڵ هێزه‌كانی پێشمه‌رگه‌ی كوردستان بكه‌ن".
سەرچاوە: K24
کۆدی هەواڵنێر: 60113
Your Comment