به‌پێی هه‌واڵی کوردپرێس، ڕۆژی سێشه‌ممه 25ی کانوونی یه‌که‌می 2018 ڕه‌جه‌ب ته‌ییب ئه‌ردۆغان سه‌رۆک کۆماری تورکیا ڕایگهیاند که به گشتی له‌گه‌ڵ ڤیلادیمێر پووتین سه‌رۆکی ڕووسیای فیدڕال کۆ ده‌بێته‌وه و تاوتوێی بڕیاری کشانه‌وه‌ی هێزه ئه‌مریکییه‌کان له سووریا ده‌کات.
دوای ئه‌و لێدوانه‌ی ڕه‌جه‌ب ته‌ییب ئه‌ردۆغان، دیمیتری بیسکۆڤ گوته‌بێژی کرملین ڕه‌تی کردوووه‌ته‌وه ڤیلادیمێر پووتین له‌گه‌ڵ ئه‌ردۆغان کۆ ببێته‌وه چوونکه سه‌رکۆماری ڕووسیا هیچ پلانێکی به‌په‌له‌ی نییه بۆ کۆبوونه‌وه له‌گه‌ڵ ئه‌ردۆغان."
شایانی باسه؛ شه‌وی چوارشه‌ممه 19-12-2018ش، کۆشکی سپی (کۆشکی سه‌رۆکایه‌تیی ئه‌مریکا) ڕایگهیاند که ئیداره‌ی دۆناڵد تره‌مپی سه‌رۆکی ئه‌مریکا بڕیاری گه‌ڕاندنه‌وه‌ی هێزه‌کانی وڵاته‌که‌ی له سووریا داوه و ئه‌و هێزه ئه‌مریکییانه له چوارچێوه‌ی هاوپه‌یمانیی نێوده‌وڵه‌تیی دژی داعش و بۆ مه‌شقکردن به هێزه‌کانی سووریای دیموکرات (هه‌سه‌ده) له ڕۆژهه‌ڵاتی سووریا جێگر ببوون.
سه‌رچاوه: باسنیووز
کۆدی هه‌واڵنێر: 60103
Your Comment