بەپێی هەواڵی کوردپرێس، وه‌زیری ده‌ره‌وه‌ی توركیا، مه‌ولوود چاوشئۆغڵو وتی: "بێنیامین نتانیاهۆ بكوژی خوێنساردی مۆدێرن، به‌رپرسیاری كوشتنی هه‌زاران فه‌ڵه‌ستینیی بێتاوانه".
چاوشئۆغڵو له تویته‌ر كاردانه‌وه‌ی نیشان دا به‌رامبه‌ر بڵاوكراوه‌كانی سه‌رۆک وه‌زیرانی ئیسرائیل، بێنیامین نتانیاهۆ له‌باره‌ی توركیا و ره‌جه‌ب ته‌یب ئه‌ردۆغان، له په‌یامه‌كه‌یدا چاوشئۆغڵو وێنه‌ی فه‌وزی ئه‌لجونه‌یدی ته‌مه‌ن 16 ساڵان كه له لایه‌ن ژماره‌یێكی زۆر سه‌ربازی ئیسرائیلیه‌وه به چاوبه‌ستراوی ده‌ستگیركراو و بووه یه‌كێک له سمبوله‌كانی به‌رگری قودس، له‌گه‌ڵ وێنه‌ی فادی ئه‌بوو سه‌ڵاح كه خاوه‌ن پێداویستیێكی تایبه‌تی فه‌ڵه‌ستینیه و به‌شداری له به‌رگری فه‌ڵه‌ستیندا كرد و شه‌هید كرا بڵاو كرده‌وه و رایگه‌یاند: "ئه‌و داگیركه‌ره‌ی كه له خه‌ڵكه پاڵكه‌وتووه‌كه‌ش ده‌دات، خێرا قسه‌كه‌ی هێنایه سه‌ر خۆی: نتانیاهۆ كه تۆپبارانی منداڵانی كه‌نارده‌ریاكان ده‌كات بكوژی خوێنساردی مۆدێرنه، به‌رپرسیاری كوشتنی هه‌زاران فه‌ڵه‌ستینیی بێتاوانه. هه‌رگیز توركیا پاشگه‌زنابێته‌وه تا راستیه‌كان نه‌خاته‌ڕوو".
کۆدی هەواڵنێر: 60113
Your Comment