به‌پێی هه‌واڵی کوردپریس، وه‌لید موعه‌ليم وه‌زیری ده‌ره‌وه‌ی سووریا له چاوپێكه‌وتنى له‌گه‌ڵ قوتابيان و مامۆستايانى زانكۆى ديمه‌شق ڕای‌گه‌یاند: هيچ كه‌سێک له سووريا قسه‌كردن له باره‌ى دروست بوونى كيانى سه‌ربه‌خۆ يان فيدراڵى به هيچ شێوه‌يێک قبووڵ ناكات.
ناوبراو گوتیشی: هيچ جێگره‌وه‌يێک بۆ گه‌ڕانه‌وه بۆ نيشتمان نييه، ئه‌و نيشتمانه‌ى باڵه‌كانى بۆ هه‌موو ڕۆڵه‌كانى ڕاخستوووه و بڕيارى ده‌وڵه‌تيش ئه‌وه‌يه كه ده‌بێت سه‌روه‌ریی ده‌وڵه‌ت بۆ هه‌موو بستێكى خاكى سووريا بگه‌ڕێته‌وه.
وه‌لید موعه‌لیم ڕوونيشي كرده‌وه که كوردى سووريا به‌شێكن له پێكهاته‌ى سووريا و حكوومه‌ت به‌رده‌وام ئاماده‌يه گفتوگۆيان له‌گه‌ڵ بكات به جۆرێک له به‌رژه‌وه‌ندیی ده‌وڵه‌ت بێت، به‌ڵام ئامۆژگارى هه‌موو لايێک ده‌كه‌ين نه‌كه‌ونه شوێن وه‌هم و خه‌ياڵپڵاوى ئه‌مه‌ريكى به تايبه‌تى ئه‌وه‌ى له باره‌ى ڕه‌وشی كورد له داهاتووى سووريا ده‌وترێت.
سه‌رچاوه: RT
کۆدی هه‌واڵنێر: 60103
Your Comment