به‌پێی هه‌واڵی کوردپرێس، ڕۆژی سێشه‌ممه 11ی کانوونی یه‌که‌می 2018 فه‌رمانده‌ی ئۆپه‌راسیۆنه هاوبه‌شه‌کانی عێراق له به‌یاننامه‌یێکدا ئاماژه‌ی به‌وه کرد که له‌سه‌ر ڕاسپارده‌ی عادل عه‌بدولمه‌هدی فه‌رمانده‌ی گشتیی هێزه چه‌کداره‌کان، فڕۆکه F16ه‌کانیان به‌پێی زانیاری وردیی هه‌واڵگری و نه‌هێشتنی تیرۆر چه‌کدارانی داعشیان له ناوچه‌ی سوسه له نێو خاکی سووریا بۆردوومان کردوووه.
وه‌ک له به‌یاننامه‌که‌دا هاتوووه: بۆردوومانی یه‌که‌م بۆ سه‌ر شوێنێک ئه‌نجام دراوه که 30 داعشی تێیدا بوووه و به‌نیاز بوونه کۆبوونه‌وه‌یێکی گرنگی سه‌رکرده‌کانی تێیدا ئه‌نجام بده‌ن و هه‌روه‌ها ئامانجی دووه‌م 14 چه‌کداری داعشی تێیدا بوووه که پێیان ده‌گوترێت ئینغیماسی و هه‌ر دوو ئامانجه‌که به ته‌واوه‌تی له‌ناو بران و فڕۆکه جه‌نگییه‌کانیش به بێ هیچ زیانێک و به سه‌لامه‌تی گه‌ڕاونه‌ته‌وه خاکی عێراق.
شارۆچکه‌ی سووسه له ڕووی کارگێڕییه‌وه سه‌ر به ناوچه‌ی ئه‌لبوکه‌ماله له پارێزگای دێره‌زووری سووریا که ئه‌و ناوچه‌یه تاوه‌کوو ئێستاش پێگه‌یێکی به‌هێزی چه‌کدارانی داعشه.
سه‌رچاوه: ڕووداو
کۆدی هه‌واڵنێر: 60103
Your Comment