به‌پێی هه‌واڵی کوردپرێس، ڕۆژی شه‌ممه 8ی کانوونی یه‌که‌می 2018 چاغڵار ده‌میره‌ڵ په‌رله‌مانتاری پێشووی ئامه‌دی هه‌ده‌په بۆ پشتیوانی کردن له چالاکیى مانگرتن له خواردنى له‌یلا گیوڤه‌ن هاوسه‌رۆکى که‌جه‌ده و په‌رله‌مانتاری جۆله‌مێرگی هه‌ده‌په و له دژی گۆشه‌گیریى سه‌ر عه‌بدوڵڵا ئۆجه‌لان ڕێبه‌ری په‌که‌که، له‌گه‌ڵ ١٥ سیاسه‌تمه‌دار دا له زیندان ده‌ستیان به چالاکیى مانگرتن له خواردن کردوووه.
ده‌میره‌ڵ و هاوڕێکانی که ده‌ستیان به چالاکیى مانگرتن له خواردن کردوووه له زیندانى ئه‌منیى باڵاى جۆری Fی کۆجالی دا زیندانی کراون.
ده‌میره‌ڵ له په‌یامه‌که‌یدا ئه‌وه‌شی وتوووه: "من و ١٥ هه‌ڤاڵی سیاسه‌تمه‌دارم له ئه‌مڕۆه‌وه بۆ پشتیوانی له هه‌ڤاڵمان له‌یلا گیوڤه‌ن ده‌ستمان به چالاکیى مانگرتن له خواردن بۆ ماوه‌ى ١٠ ڕۆژ کردوووه".
ده‌میره‌ڵ ڕاشی‌گه‌یاندوووه: "داواکه‌ى له‌یلا گیوڤه‌ن داواى ملیۆنه‌ها که‌سه و ده‌بێت به خێرایى و ده‌ستبه‌جێ کۆتایى به گۆشه‌گیری و دابڕاندن بهێنرێت".
چاغڵار ده‌میره‌ڵ باسی ئه‌وه‌شی کردوووه: "ئێمه داوا له هه‌موو هێزه دیموکراسیخوازه‌کان ده‌که‌ین له دژی تاوانه‌کانى دژ به مرۆڤایه‌تى هه‌ڵوێست وه‌ربگرن و ده‌نگی خۆیان به‌رز بکه‌نه‌وه و تێکۆشانی دیموکراتیک به‌هێز بکه‌ن. پێویسته هه‌موو که‌سێک ببێت به له‌یلایێک و به‌و هۆشمه‌ندنییه‌وه بجووڵێته‌وه".
سه‌رچاوه: ڕۆژنامه‌ی ئۆرنسه‌ل
کۆدی هه‌واڵنێر: 60103
Your Comment