بەپێی هەواڵی کوردپرێس، ئەمرۆ دووشەممە وەزارەتی ناوخۆی تورکیا ئەنجامی ئۆپراسیۆنەکانی هەفتەی رابردووی بڵاو کردەوە و رایگەیاند: لە یەک هەفتەی رابردوودا هەزار و ١٦٣ کەس لە ناوچە جیاجیاکانی تورکیا بەتۆمەتی پەیوەندیان بە تیرۆرەوە دەستگیر کراون.
روونیشی کردەوە، لەو ژمارەیە ٥٩٨ کەسیان بە تۆمەتی ئەندامێتی پەکەکە و ٥٣٨ کەسی دیکە بە تۆمەتی ئەندامێتی لە بزووتنەوەی خزمەت و ٢٧ کەسی دیکەش بە تۆمەتی هەوڵدان بۆ ئەنجامدانی کردەوەی تیرۆریستی دەستگیر کراون.
وەزارەتی ناوخۆی تورکیا ناوبەناو ئۆپراسیۆنی بەرفراوان لە سەرتاسەری تورکیا ئەنجام دەدات بەمەبەستی دەستگیر کردنی ئەوکەسانەی کە گومانیان لێ دەکرێت سەر بە پەکەکە و بزووتنەوەی خزمەتن، لە ماوەی هەفتەی رابردووشدا دوو هەزار و ٨٣٦ ئۆپەراسیۆنیان ئەنجام داوە.
کۆدی هەواڵنێر: 60113
Your Comment