به‌پێی هه‌واڵی کوردپرێس، سه‌فین دزه‌یی گوته‌بێژی حکومه‌تی هه‌رێمی کوردستان له‌باره‌ی کردنه‌وه‌ی نوێنه‌رایه‌تیی حکوومه‌تی هه‌رێمی کوردستان له ئه‌نقه‌ره به ڕووداوی ڕاگه‌یاند: دوو ساڵ پێش ئێستا تورکیا داوای کرد نوێنه‌رایه‌تیی هه‌رێمی کوردستان له ئه‌نقه‌ره بکرێته‌وه به‌ڵام ئه‌وکات سه‌رۆکی ئه‌نجومه‌نی وه‌زیران به‌هۆی ڕه‌وشی دارایییه‌وه کردنه‌وه‌ی نوێنه‌رایه‌تییه‌که‌ی دواخست و بڕیاری دا له کاتێکی گونجاودا که په‌یوه‌ندییه‌کانی نێوان هه‌ولێر و ئه‌نقه‌ره باشتر ببن نوێنه‌رایه‌تییه‌که بکرێته‌وه.
سه‌فین دزه‌یی ئاماژه‌ی به‌وه‌ش کرد: کردنه‌وه‌ی نوێنه‌رایه‌تی له ڕووی سیاسی و بواری دیکه‌شه‌وه وه‌رچه‌رخانێک ده‌بێ و گرنگی هه‌یه بۆیه سه‌رۆکی ئه‌نجومه‌نی وه‌زیران به پێویستی زانی له کاتێکی گونجاودا بکرێته‌وه.
کۆدی هه‌واڵنێر: 60103
Your Comment