بەپێی هەواڵی کوردپرێس، شانەی راگەیاندنی ئه‌منیی عێراق ڕۆژی چوارشه‌ممه له راگه‌یه‌ندراوێكدا بڵاویكرده‌وه: "ئێوارەی سێشەممە فڕۆکە بێفڕۆکەوانەکانی تورکیا ئاسمانی عێراقیان لە باکووری عێراق بەزاندووە، بە دیاریکراوی لە شنگال و مەخموور و ئەم دو ناوچەیەیان بۆردوومان کردووە، ئێمە لەکاتێکدا ئەو کارە سەرکۆنە دەکەین، هێزە ئەمنییەکان هەر پێشلکارییەک لەلایەن هەر لایەنێکەوە بێت رەتدەکاتەوە".
ئاماژه‌ی به‌وه‌ش كردووه، "داوا له تورکیا دەکەین رێز لە دراوسێیەتی بگرێت بەپێی رێککەوتننامە نێودەوڵەتییەکان، ئەم پێشلکارییانە رابگرێت، وەک رێزگرتن و پابەندبوونێک بە بەرژەوەندیی هاوبەشی نێوان هەردوو وڵات، داوا دەکەین دووبارە نەبێتەوە".
شایانی باسە تا كاتژمێری 3:00ی بەرەبەیانیی ڕۆژی چوارشه‌ممه فڕۆكه‌كانی توركیا بە بەدەوامیی و لە ماوەی پێنج كاتژمێرە بۆردوومانێكی سەختی كامپی مەخموور و شارۆچكەی شەنگال و شاری دێركی كوردستانی سووریای كرد.
Your Comment