بەپێی هەواڵی کوردپرێس، نووسینگه‌ی راگه‌یاندنی سه‌رۆک وه‌زیرانی عێراق بڵاویکرده‌وه، مسته‌فا کازمی له دیدارێکدا له‌گه‌ڵ جینین پلاسخارت نێرده‌ی تایبه‌تی نه‌ته‌وه‌یه‌کگرتووه‌کان له عێراق تاوتوێی بارودۆخی گشتی سیاسی و ئه‌منی و به‌ره‌وپێشچوونه‌کان و هه‌ماهه‌نگی نێوان عێراق و نه‌ته‌وه‌یه‌کگرتوه‌کانیان کردووه، هه‌روه‌ها باسیان له ڕێگاکانی پشتیوانی کردن له‌و به‌رنامانه‌ی که ڕێکخراوه نێوده‌وڵه‌تیه‌کان له عێراق کردووه.
له‌دیداره‌که‌دا مسته‌فا کازمی په‌رۆشیی عێراق بۆ پته‌و کردنی په‌یوه‌ندییه ئیقلیمی و نێوده‌وڵه‌تییه‌کانی دووپات کردوه‌ته‌وه به‌ئامانجی زامن کردنی پته‌و کردنی ئاسایش و سه‌قامگیریی عێراق و ناوچه‌که و راشیگه‌یاندووه، پێویسته هۆکاره‌کانی پێشکه‌وتنی به‌رده‌وام بۆ به‌رژه‌وه‌ندی گه‌لی عێراق و گه‌لی ئاشتیخوازی برایانه و دۆستانه دیاری بکرێن.
له‌لایه‌ن خۆیه‌وه جینین پلاسخارت جه‌ختی له‌سه‌ر هه‌ڵوێستی کۆمه‌ڵگه‌ی نێوده‌وڵه‌تی کرده‌وه له‌پشتیوانیکردنی عێراق به‌رامبه‌ر ئه‌و ئاڵنگاریانه‌ی ئێستاو گرنگی به‌دواداچوونی دیالۆگ وه‌ک رێگایه‌ک بۆ چاره‌سه‌رکردنی ناکۆکیه‌کان.
Your Comment