بەپێی هەواڵی کوردپرێس، نێچیرڤان بارزانی سەرۆکی هەرێمی کوردستان لە تویتێکدا نووسیویەتی "سەرکۆنەی کردەوە تیرۆرستییەکەی هەینیی سەر ناوچەی عوزێم دەکەم کە بووە هۆی شەهیدبوونی ژمارەیەک سەرباز".

هەروەها نووسیویەتی: "تا ئێستاش داعش هەڕەشەیە لەسەر ئاسایش و سەقامگیریی وڵات، جەخت لەسەر پێویستی هاوکاری و هەماهەنگی نێوان هەرێمی کوردستان و بەغدا دەکەینەوە، بۆ لەناوبردنی داعش".

نێچیرڤان بارزانی هەر لە توویتەکەیدا نزا بۆ گیانی قوربانییەکان دەکات و دەڵێت: "داواکارم لە خودای گەورە شەهیدەکان بخاتە بەر میهرەبانی خۆیەوە و ئارامی و دڵنەوایی بە کەسوکار و بنەماڵەکانیشیان ببەخشێت".