بەپێی هەواڵی کوردپرێس، نووسینگەی راگەیاندنی قوباد تاڵەبانی بڵاویکردەوە، لە‌و کۆبوونە‌وە‌یە کە ئە‌مڕۆ پێنجشە‌ممە لە ھە‌ولێر بە‌ڕێوەچوو، تاڵەبانی و بلاسخارت جە‌ختیان لە‌گرنگی بە‌ردە‌وامیدان بە گفتوگۆ کردنی لایە‌نە سیاسییە‌کان کردەوە بە‌مە‌بە‌ستی لێکنزیک کردنەوەى بۆچوونە جیاوازە‌کان و دۆزینە‌وە‌ی دە‌رچە‌یە‌ک لەپێناو گە‌یشتن بە سازان لە‌سە‌ر پێکھێنانی حکوومەتی نوێی عێراق.
ئەوەش هاتووە، "جێگری سە‌رۆکی ئە‌نجومە‌نی وە‌زیران، جە‌ختی کردەوە لە‌سە‌ر گرنگی یە‌کدە‌نگیی هێز و لایە‌نە کوردستانییە‌کان لەپێناو پاراستنی دە‌ستکە‌وتە دە‌ستورییە‌کان و بە‌رژە‌وە‌ندی گشتی، ھە‌روە‌ھا ئاماژە‌ی بە‌وە‌دا کە چۆن پاڵپشتی یە‌ک دە‌نگی کورد دەکەن، بە‌ھە‌مان شێوە گرنگی بە‌یە‌کخستی ماڵی شیعی و لایە‌نە سونییە‌کانیش دە‌دە‌‌ن بۆ ئەوەی تە‌وافق ھە‌بێت لە‌سە‌ر پێکھێنانی حکوومە‌تێکی خزمە‌تگوزار و سیاسە‌تێکی حوکمڕانی رە‌شید بە‌رپا بکرێت کە جێی رە‌زامە‌ندی لایە‌نە‌کان بێت."
لەراگەیەنراوی کۆبوونەوەکەدا هاتووە، "جێگری سە‌رۆک وە‌زیران، ئاماژە‌ی بە‌ھە‌نگاوە‌کانی چاکسازی حکوومەتی ھە‌رێم و بە‌ردە‌وامیدان بە‌و ھە‌نگاوانەکرد کە لە ئێستادا قۆناغی باشیان بڕیوە".
Your Comment