بەپێی هەواڵی کوردپرێس، بافڵ تاڵه‌بانى له ‌په‌یامه‌كه‌یدا بۆ محەمەد حەلبووسی سەرۆکی ئەنجومەنی نوێنەران نووسیویه‌تى: "بەبۆنەی ھەڵبژاردنەوەتان بەسەرۆکی ئەنجومەنی نوێنەران ‌و بەدەستھێنانی متمانەی زۆرینەی پەرلەمانتاران، گەرمترین پیرۆزبایتان لێدەکەم".

تاڵەبانی ده‌شڵێت: "ھیوادارم لەم ئەرکە نیشتمانی‌ و چارەنووسسازەدا بۆ قۆناغی ئەمڕۆی عێراق سەرکەوتوو بن ‌و لەسەر دەستی ئێوە و خەمخۆرانی عێراقی فیدڕاڵ، پەیوەندی باشتر لەنێوان دەسەڵاتەکانی یاسادانان ‌و جێبەجێ کردن بنیاد بنرێت، لەپێناو خزمەتکردنی زیاتری گەل ‌و وڵات ‌و زاڵبوون بەسەر ئاڵنگارییەکان ‌و ڕیشەکێش کردنی گەندەڵی کە ئەمە ئامانجێکی باڵایە و ئەبێت ھەموومان پێکەوە ھاوکار بین ‌و لەپێناویدا خەبات بکەین".