بەپێی هەواڵی کوردپرێس، وه‌هاب ئه‌حمه‌د به‌ڕێوه‌به‌ری ناحیه‌ی زنانه له گفتوگۆ له‌گه‌ڵ ده‌نگی ئه‌مریکا، ده‌ڵێت: "هاوپه‌یمانان چاودێری بنکه‌کانی داعش ده‌که‌ن له غه‌ڕه‌وپه‌ڵکانه و ناوبه‌ناو لێیان ده‌ده‌ن، به‌ڵام به‌هۆی بۆشایی ئه‌منی و هاوسنووری له‌گه‌ڵ حکوومه‌تی عێراق، داعش له‌ناوچه‌که بنبڕ نابێت."
ناوبراو جه‌ختیشی کرده‌وه "غه‌ڕه‌وپه‌ڵکانه سێگۆشه‌یه‌که، ده‌که‌وێته نێوان پارێزگاکانی دیاله، که‌رکووک و سه‌ڵاحه‌دین، پێگه‌ی سه‌ره‌کی داعش و شوێنی جووڵاندنی هێزیانه."
به‌ڕێوه‌به‌ری ناحیه‌ی زنانه پێیوایه ئۆپه‌راسیۆنه‌کانی عێراق و پێشمه‌رگه نابنه هۆی بنبڕکردنی داعش، به‌ڵام ئۆپه‌راسیۆنه‌کان گرنگن بۆ تێکدانی بنکه و باره‌گاکانیان.
ناوبراو وتیشی "داعش له‌غه‌ڕه و په‌ڵکانه ڕاو ده‌نرێت، بێگومان شوێنی تری هه‌یه بۆی بچێت، بۆیه ئه‌رکی ده‌زگا هه‌واڵگیریه‌کانه شوێنی هاتووچۆیان ببرێت."
به‌پێی وته‌ی به‌ڕێوه‌به‌ری ناحیه‌ی زنانه، ناوچه‌ی غه‌ڕه‌وپه‌ڵکانه شوێنی پلان داڕشتن و هێز ناردنی داعشه بۆ پارێزگاکانی دیاله، سه‌ڵاحه‌دین و که‌رکووک.
وه‌هاب ئه‌حمه‌د ئاشکراشیکرد، چه‌کداره‌کانی داعش له‌ناوچه‌که تێکه‌ڵه‌ن له کورد و عه‌ره‌ب و جاری وا هه‌یه ژماره‌ی چه‌کداره کورده‌کان زۆر ده‌بن، جاری واش هه‌یه عه‌ره‌به‌کان زیاترن، کورده‌کان مه‌فره‌زه مه‌فره‌زه‌ن."
Your Comment