بەپێی هەواڵی کوردپرێس، لەراگەیەندراوێکی سەرۆکایەتی کۆماری عێراقدا هاتووە بەرھەم ساڵح، سەرۆک کۆماری عێراق لە کۆشکی بەغداد پێشوازیی کرد لە قوباد تاڵەبانی، جێگری سەرۆکی حکوومەتی هەرێمی کوردستان.

بەگوێرەی راگەیەندراوەکە، لە دیدارەکەدا گفتوگۆ کرا لەبارەی پێشهات و گۆرانکارییە سیاسی و ئەمنییەکانی وڵات و جەخت کرایەوە لە گرنگیی ھاوکاریی و هەماهەنگی ئەمنی و سەربازی لە پێناو پڕکردنەوەی بۆشاییە ئەمنییەکان و ریشەکێش کردنی تیرۆر و پاراستنی ئاسایش و ئارامی ھاوڵاتییان.

هەروەک لە دیدارەکەدا دووپاتکرایەوە لە پێویستی دیالۆگ و گفتوگۆ و چارەسەرکردنی دۆسییە ھەڵپەسێردراوەکان بە ئاڕاستەی ھێنانەئاراوەی داوا رەواکانی خەڵک.