کوردپرێس:

عه‌لى حه‌مه‌ساڵح ئه‌ندامى په‌رله‌مانى كوردستان له‌فه‌یسبوكى خۆى نووسیویه‌تى:"ئێستا ھێزێکی ئەمنی زۆر بەئۆتۆمبێلی جام ڕەش ژمارەیەکی زۆر قوتابیان ڕفاندوە لەنزیک وەزارەتی خوێندنی باڵا، ئازاری ڕۆژنامەنوسان دەدەن، ئێوە بەرپرسن لەم دۆخە".

له‌به‌رده‌م بیناى په‌رله‌مان‌و ئه‌نجومه‌نى وه‌زیران‌و وه‌زاره‌تى خوێندنى باڵا هێزێكى زۆرى ئه‌منیی بڵاوه‌ى پێكراوه‌.

هێزه‌كان پێكهاتون له‌چه‌ند به‌شێك، پۆلیسى چالاكیه‌ مه‌ده‌نیه‌كان، ئاسایش‌و هێزو كارمه‌ندى ئه‌منیش بونى هه‌یه‌ به‌جلوبه‌رگى مه‌ده‌نى له‌ناو خوێندكاران‌و ده‌ستیان به‌گرتنیان كردوه‌.

تائێستا هێزه‌ ئه‌منیه‌كانى هه‌ولێر 15 خوێندكاریان ده‌ستگیركردوه‌و جیاواز له‌ڕۆژانى دیكه‌ش، ئه‌مڕۆ به‌زه‌برى هێز له‌گه‌ڵ خوێندكاران مامه‌ڵه‌ ده‌كه‌ن.