بەپێی هەواڵی کوردپرێس، لە ڕاگەیەنراوێکدا وەزارەتی تەندروستیی عێراق کە ڕۆژی هەینی 12ی تشرینی دووەمی 2021 بڵاوی کردۆتەوە ڕایگەیاندووە: "ڕه‌وشی كۆنترۆڵ كردنی په‌تای كۆرۆنا له‌ به‌شێک له‌ پارێزگاكان بەپێی پێوسیت نییه‌ و پێشبینی ده‌كه‌ین شه‌پۆڵی چواره‌می په‌تاكه‌ بڵاو بێتەوە".

وەزارەتەکە ئاماژەی بەوەشکردووە، "بەهۆی ئەو ڕێژەی کەمەی خۆکووتانی هاووڵاتییان بە ڤاکسینی کۆڕۆنا هەیە، ئەگەری دروستبوونی مەترسی هەیە".

وەزارەتی تەندروستیی عێراق داواشی لە بنكه‌ و ناوه‌نده‌ ته‌ندروستییه‌كان کردووە، ڕێککاری پێوست بگرنه‌به‌ر بۆ زیادکردنی ڕێژەی کوتان و هەروەها ڕێکخستنەوەی نەخۆشخانەکان و دابین کردنی قەرەوێلەی پێویست.