بەپێی هەواڵی کوردپرێس، ئەو بانگهێشتەی بەرهەم ساڵح ئەمڕۆ شەممە لەمیانی كۆبوونەوەی بووە لەگەڵ پاپا فرانسیس، كە ئەمڕۆ شەممە لە ڤاتیكان بەڕێوەچوو.

بەپێی راگەیێنراوێكی سەرۆكایەتی كۆماری عێراق، پرسی كۆمەڵگوژی ئێزیدییەكان ‌و دەركردنی مەسیحییەكان ‌و سووكایەتی كردن بە مسوڵمانان لەلایەن داعشەوە تەوەری گفتوگۆكانی بەرهەم ساڵح ‌و پاپا فرانسیس بووە.

هەر بەپێی راگەیێنراوەكە، هەردوولا جەختیان كردووەتەوە، كە دەبێت مافی هەموو پێكهاتەكانی عێراق بپارێزرێت ‌و هەموو لایەكیش لەو پێناوەدا كار بكەن‌ و هاوكاریی حكوومەت بكەن.

بەرهەم ساڵح چەند رۆژێكە بەسەردانێكی فەرمی لە ئیتالیایە و بڕیارە بە كۆبوونەوەش لەگەڵ پاپا فرانسیس كۆتایی بەو گەشتەی بهێنێت ‌و بگەڕێتەوە عێراق.

کۆدی هەواڵنێر: 60113