به‌پێی هه‌واڵی کوردپرێس، پهرستگای لالش، كه گه‌وره‌په‌رستگای كوردانی ئێزدییه له سه‌رتاسه‌ری دونیادا، ده‌كه‌وێته باكووری قه‌زای شێخان، له نێوان سێ چیادایه و شوێنێكی گرینگه له كوردستان و به هه‌زاران گه‌شتیار سه‌ردانی ده‌كه‌ن که له‌وباره‌یشه‌وه ئه‌ندازیار خالید نه‌رمۆ سه‌رۆكی شاره‌وانیی شێخان و یه‌كێک له سه‌رپه‌رشتیارانی نۆژه‌ن كردنه‌وه‌ی په‌رستگه‌كه به ماڵپه‌ڕی فه‌رمیی پارتی دیموكراتی كوردستانی گوت: "ئێستا له قۆناغی نۆژه‌نكردنه‌وه‌ی نێو پهرستگای لالشداین و ئامانجیشمان ئه‌وه‌یه كه په‌رستگاكه بۆ شێوازی جاران بگه‌ڕێنینه‌وه."
نه‌رمۆ ده‌شڵێت: "ده‌مانه‌وێت ئه‌و گۆڕانكارییانه‌ی به هه‌ڵه له لالش كراون لایان ببه‌ین و بۆ شێوازی پێشووی بگه‌ڕێنینه‌وه."
پرا ده‌لال یه‌كێكه له شوێنه شوێنه‌واره گه‌شتیارییه‌كان له پارێزگای دهۆک و ده‌كه‌وێته سه‌نته‌ری قه‌زای زاخۆ و له‌وباره‌یشه‌وه محه‌ممه‌د ئه‌حمه‌د به‌ڕێوه‌به‌ری شوێنه‌واری زاخۆ به ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "نۆژه‌ن كردنه‌وه‌ی پردی ده‌لال له قۆناغی كۆتاییدایه و ئه‌وه‌ی ماوه ته‌نیا جوانكارییه."
ئه‌حمه‌د گوتیشی: "نۆژه‌نكردنه‌وه‌كه به‌پێی مه‌رجه‌كانی یونسكۆیه و هه‌موو مه‌رجه‌كانیش له به‌رچاو گیراون، ئه‌گه‌ر ڕووداوه‌كانی ١٦ی ئۆكتۆبه‌ریش نه‌بوونایه، پێشوه‌خته ته‌واو ده‌بوو."
کۆدی هه‌واڵنێر: 60103
Your Comment