بەپێی هەواڵی کوردپرێس، سامان گه‌رمیانی ئه‌ندامی سه‌ركردایه‌تیی یه‌كێتیی ڕایگەیاند: وه‌فدی یه‌كێتیی به‌م نزیكانه سه‌ردانی پارتی و لایه‌نه‌كانی تر ده‌كات، به مه‌به‌ستی گفتوگۆ بۆ پێكهێنانی حكوومه‌ت.
ناوبراو وتیشى پاكێجمان ئاماده‌یه بەڵام ورده‌كارییه‌كه‌ی ئاشكرا ناكه‌م به‌ڵام داواكارییه‌كانمان ڕوونه كه به پێی ئیستحقاقی خۆمانی ده‌زانین سه‌رۆكی په‌رله‌مان یان جێگری سه‌رۆكی حكوومه‌تمان هه‌بێت، هه‌روه‌ها جه‌خت ده‌كه‌ینه‌وه له‌سه‌ر ئه‌وه‌ی كه له كۆی پێنج پۆستی سیادی وه‌ک وه‌زاره‌ته‌كانی پێشمه‌رگه، ناوخۆ، دارایی، سامانه سرووشتییه‌كان یان ده‌زگای ئاژانس و پاراستنی هه‌رێم دوانیان وه‌ربگرین، كه ئه‌وه‌ی لای ئێمه زۆر گرنكه وه‌زاره‌تی ناوخۆ و ده‌زگای ئاژانس و پاراستنی هه‌رێمه.
سامان گه‌رمیانی، ده‌ڵێت له كوردستان دووه‌م هێزین و ئه‌مجاره‌یان وه‌ک كابینه‌ی پێشوو پاشكۆیه‌تی قبووڵ ناكه‌ین.
سەرچاوە: ئاژانس
کۆدی هەواڵنێر: 60113
Your Comment