به‌پێی هه‌واڵی کوردپرێس، ئینتسار جبووری به ڕادیۆ "المربد"ی عێراقی ڕاگه‌یاندوووه که هاوپه‌یمانیی وه‌ته‌نییه هێشام دراجی و هاوپه‌یمانیی بنیاتنانه‌وه فالح فه‌یازی بۆ وه‌رگرتنی وه‌زاره‌تخانه‌کانی به‌رگری و ناوخۆ به عادل عه‌بدولمه‌هدی سه‌رۆک وه‌زیرانی عێراق ناساندوووه.
ناوبراو ئاماژه به‌وه‌ش ده‌دات که حیزبه سیاسییه‌کانی عێراق هه‌ندێک تێبینییان له‌سه‌ر ژماره‌یێک کاندیدی وه‌زاره‌تخانه‌کانی به‌رگری و ناوخۆدا هه‌یه و گوتیشی: چاوه‌ڕوانکراوه که به ڕێککه‌وتنی زۆرینه‌ی حیزبه سیاسییه‌کان ده‌نگی متمانه به هێشام دراجی بدرێت بۆ وه‌رگرتنی پۆستی وه‌زاره‌تی به‌رگریی عێراق.
ئینتسار جبووری ڕاشی‌گه‌یاند: ئه‌گه‌ر ئه‌نجومه‌نی نوێنه‌ران ده‌نگی متمانه به وه‌زیرانی به‌رگری و ناوخۆی عێراق نه‌دات ئه‌و دوو وه‌زاره‌تخانه‌یه بۆ ماوه‌ی 10 ڕۆژ به‌وه‌کاله‌ت به‌ڕێوه ده‌برێن و دواتر هه‌ندێک کاندیدی دیکه بۆ وه‌رگرتنی ئه‌و دوو وه‌زاره‌تخانه‌یه ده‌ناسێندرێن.
کۆدی هه‌واڵنێر: 60103
Your Comment