بەپێی هەواڵی کوردپرێس، فەرماندەی پۆلیسی فیدراڵی عێراق لە راگەیێندراوێكدا بڵاوی كردەوە لەمیانی ئۆپەراسیۆنەكانیان بۆ سەر چەكدارانی داعش، هێزێكی لیوای 11 و 12 لە فیرقەی 3، لە ناوچەی قەرەپووتەک لە نزیک مەخموور، رووبەڕووی چەكدارانی ئەو رێكخراوە بوونەتەوە.

ناوبراو ئاماژەی بەوەش كرد، دوای شەڕ و پێكدادان فڕۆكەكانی هاوپەیمانی نێودەوڵەتی بۆردومانی چەكدارانی داعشیان كردووە لەو ناوچەیەی مەخمووری سەر بە پارێزگای نەینەوا و بەهۆیەوە 19 چەكداری داعش كوژراون.

فەرماندەی پۆلیسی فیدراڵی عێراق دەشڵێت هەر لەمیانی ئۆپەراسیۆنەكەدا لە رۆژهەڵاتی مووسڵ شەش چەكداری داعش دەستگیر كراون.

کۆدی هەواڵنێر: 60113