به‌پێی هه‌واڵی کوردپرێس، ڕۆژی چوارشه‌ممه‌ 31ی تشرینی یه‌که‌می 2018 میدیاكانی عێراق له‌ زاری نه‌قیب زوهێر عه‌لی له‌ سوپای عێراقه‌وه‌ بڵاویان كرده‌وه که‌ "چه‌كدارانی داعش 6 مه‌ده‌نییان به‌ تۆمه‌تی هه‌ماهه‌نگی كردن له‌گه‌ڵ هێزه‌ ئه‌منی و سه‌ربازییه‌كان گوللـه‌باران كردوووه‌ و دواتر چه‌كداره‌كان له ‌پاش ئه‌نجامدانی تاوانه‌كه‌ به‌ره‌و شوێنێكی نادیار هه‌ڵاتوون."

ئه‌و ئه‌فسه‌ره‌ گوتیشی: "داعش هه‌ڕه‌شه‌ی كوشتنی له‌ دانیشتوانی گونده‌كانی سه‌ر به‌ قه‌زای ته‌له‌عفه‌ر كردوووه‌ گه‌ر بێتو هه‌ماهه‌نگی هێزه‌ ئه‌منییه‌كان بكه‌ن."

له‌ دووه‌م ڕووداوی له‌و جۆره‌دا له‌ ماوه‌ی كه‌متر له‌ هه‌فته‌یێک به‌ تۆمه‌تی كۆكردنه‌وه‌ی زانیاریی له‌سه‌ر ڕێكخراوه‌كه‌ و هه‌ماهه‌نگی كردنی سوپای عێراق، له‌ 26ی ئه‌م مانگه‌دا داعش پێنج مه‌ده‌نی‌تری له‌ پاش ڕفاندنیان گوللـه‌باران كردبوو.

سه‌رچاوه‌: خه‌ڵک

کۆدی هه‌واڵنێر: 60103