به‌پێی هه‌واڵی کوردپرێس، به‌یانیی ڕۆژی سێشه‌ممه 30ی تشرینی یه‌که‌می 2018 بۆمبێکی چێندراو له‌ نزیک شوێنی مه‌راسیمی چله‌ی ئیمام حسێن له‌ مه‌زاری باوه‌ مه‌حموودی شارۆچکه‌ی خانه‌قینی سه‌ر به‌ پارێزگای دیاله‌ ته‌قییه‌وه‌ و‌ دوو ژن كه‌ كورد بوون گیانیان له‌ده‌ست دا و 8 كه‌سى دیكه‌ش بریندار بوون.

سه‌فین دزه‌یى وته‌بێژى فه‌رمیى حكوومه‌ت له‌ لێدوانێكدا بۆ ماڵپه‌ڕى حكوومه‌تى هه‌رێمى كوردستان ڕایگه‌یاند: "حكوومه‌تى هه‌رێمى كوردستان سه‌ركۆنه‌ى ئه‌و كاره‌ تیرۆرستییه‌ ده‌كات كه‌ له‌ خانه‌قین ئه‌نجام درا و بوووه‌ هۆى شه‌هیدبوونى دوو هاووڵاتى و ژماره‌یێكى دیكه‌ش بریندار بوون."

دزه‌یى هه‌روه‌ها پرسه‌ و سه‌ره‌خۆشیى حكوومه‌تى هه‌رێمى كوردستانى له‌ خانه‌واده‌ و كه‌سوكارى شه‌هیدان كرد و هیواى زوو چاكبوونه‌وه‌ى بۆ برینداران خواست و دووپاتیشى كرده‌وه‌ دووباره‌بوونه‌وه‌ى ئه‌م كاره‌ تیرۆرستییانه‌ له‌و ناوچانه‌، زه‌رووره‌تى ئاسایی كردنه‌وه‌ و گه‌ڕانه‌وه‌ى ئارامى و سه‌قامگیرى بۆ ناوچه‌كه‌ ده‌رده‌خات.

کۆدی هه‌واڵنێر: 60103