به‌پێی هه‌واڵی کوردپرێس، ئه‌مڕۆ دووشه‌ممه‌ 29ی تشرینی یه‌که‌می 2018 سعوود موعجب و شاندی یاوه‌ری له‌ ده‌روازه‌ی پرۆتۆکۆڵی دادگای ئه‌سته‌نبۆڵه‌وه‌ له‌ ناوچه‌ی چاغڵایان هاتنه‌ ناو دادگاوه‌ و چوونه‌ نووسینگه‌ی عیرفان فیدان سه‌رۆکی داواکاری گشتیی ئه‌سته‌نبۆڵ.

بڕیاره‌ له‌م سه‌فه‌ره‌دا سعوود موعجب و شانده‌ سعوودیه‌که‌ له‌گه‌ڵ عیرفان فیدان سه‌رۆکی داواکاری گشتیی کۆماریی ئه‌سته‌نبۆڵ له‌سه‌ر پرسی کوشتنی ڕۆژنامه‌نووسی سعوودی کۆ ببێته‌وه‌.

شایانی باسه‌؛ ئه‌م سه‌ردانه‌ به‌ دوای سه‌فه‌ری جینا هاسپێل سه‌رۆکی ڕێکخراوی هه‌واڵگریی ئه‌مریکا (سیا)وه‌ بۆ ئه‌سته‌نبۆڵ و به‌ مه‌به‌ستی لێکۆڵینه‌وه‌ له‌باره‌ی دۆسیه‌ی جه‌مال خاشقچی ڕۆژنامه‌نووسی سعوودیه‌ ئه‌نجام ده‌درێت.

کۆدی هه‌واڵنێر: 60103