به‌پێی هه‌واڵی کوردپرێس، ڤیان سه‌بری به‌ هه‌واڵده‌ریی مه‌علوومه‌ی ڕاگه‌یاندوووه‌ که به‌پێی گفتوگۆ و ڕێککه‌وتنه‌ ئه‌نجامدراوه‌کان له‌گه‌ڵ حیزبه‌ سیاسییه‌کان، وه‌زاره‌تی کۆچ و کۆچبه‌رانی عێراق ئیستیحقاقی پارتییه‌ و نه‌وزاد هادی کاندیدی پارتی بۆ وه‌رگرتنی ئه‌و وه‌زاره‌تخانه‌یه‌ ده‌بێت و ئه‌و هه‌رگیز له‌و وه‌زاره‌تخانه‌یه‌ پاشگه‌ز نابێته‌وه‌.

ناوبراو گریمانه‌ی پێدانی پۆستی وه‌زاره‌تی کۆچ و کۆچبه‌رانی عێراق به‌ یه‌کێتیی نیشتیمانیی کوردستان ڕه‌ت ده‌کاته‌وه‌ و جه‌خت له‌سه‌ر سووربوونی پارتی ده‌کاته‌وه‌ بۆ وه‌رگرتنی ئه‌و پۆسته‌ وه‌کوو ئیستیحقاقی هه‌ڵبژاردنی خۆی.

ئه‌مه‌ له‌ كاتێكدایه‌ پێشتر په‌رله‌مانی عێراق له ‌كابینه‌كه‌ی عه‌بدولمه‌هدیدا 14 كاندیدی بۆ پۆسته‌ وه‌زارییه‌كان په‌سه‌ند كرد و پارتی پۆستی وه‌زاره‌ته‌كانی دارایی ‌و ئاوه‌دانكردنه‌وه‌ی وه‌رگرتوووه‌.

کۆدی هه‌واڵنێر: 60103