بەپێی هەواڵی کوردپرێس، ئه‌رشه‌د ساڵحی، سه‌رۆكی به‌ره‌ی توركمانی به سۆمه‌ریه نیووزی گوتووه: "پێشوازیمان له ده‌ستپێشخه‌ری به‌رهه‌م ساڵح بۆ چاره‌سه‌ركردنی كێشه‌كان كردووه و رێككه‌وتووین گفتوگۆ هه‌بێت و نوێنه‌رایه‌تی راسته‌قینه‌ی توركمان و عه‌ره‌ب و ئیراده‌ی خەڵکی پارێزگاكه‌ی تێدا بێت".
ناوبراوهه‌روه‌ها گوتوویه‌تی: "هه‌ر چاره‌سه‌رێک به‌بێ پێكهاته‌ی توركمان بكرێت و پۆستی سیادی وه‌رنه‌گرین، واتای ئه‌وه‌یه جارێكی دیكه شیعه و كورد پرسه‌كه‌یان تایبه‌ت كردووه به خۆیان و هیچ رۆڵێكیان بۆ توركمانه‌كان له چاره‌سه‌ری پرسی كه‌ركووک و ناوچه‌كانی دیكه نه‌هێشتووه‌ته‌وه".
ئه‌رشه‌د ساڵحی ده‌ڵێت: "له‌باره‌ی پرسی گه‌ڕانه‌وه‌ی پێشمه‌رگه بۆ كه‌ركووک، گفتوگۆمان له‌سه‌ر ئه‌و بابه‌ته كرد و له‌گه‌ڵ به‌رهه‌م ساڵح یه‌كلایمان كرده‌وه كه جارێكی دیكه رێگه به‌و جۆره هێزه نه‌درێت بگه‌ڕێنه‌وه كه‌ركووک، به‌ڵام له‌سه‌ر ئه‌وه رێككه‌وتووین فیرقه‌یێكی سه‌ربازی له پێكهاته‌كانی پارێزگاكه پێک بهێنرێت و په‌یوه‌ست بكرێن به وه‌زاره‌ته‌كانی به‌رگری و ناوخۆ و ناوخۆی پارێزگاكه و سنووره‌كانی بپارێزن و ئه‌گه‌ری ئه‌وه هه‌یه له بوودجه‌ی ساڵی 2019 دا پاره‌ی بۆ ته‌رخان بكرێت".
کۆدی هەواڵنێر: 60113
Your Comment