کوردپرێس:

وەزارەتی تەندروستی لەراگەیەندراوێكدا ئاماری 24 سەعاتی رابردوی كۆرۆنای لە هەرێمی كوردستان خستەڕو.

بەگوێرەی راگەیەندراوەكە لەماوەی 24 سەعاتی رابردودا شەش هەزارو 660 پشكنینی نوێ ئەنجامدراون و بەپێی ئەنجامەكان ژمارەی تووشبووانی نوێی كۆرۆنا كەمتر بووە لەو تووشبووانەی لە ڤایرۆسەكە چاك بوونەتەوە بەشێوەیێک 655 تووشبووی نوێی كۆرۆنا تۆمار كراون و 946 تووشبووش چاك بوونەتەوە.

وەزارەتی تەندروستیی هەرێم ئاماژەی بەوەش داوە كە لەماوەی 24 سەعاتی رابردوودا 17 تووشبووی دیكەی كۆرۆنا گیانیان لەدەست داوە: 3 لە هەولێر، 7 لە سلێمانی، 4 لە دهۆك، 3 لە هەڵەبجە.