به‌پێی هه‌واڵی کوردپرێس، پاش هه‌ڕه‌شه‌کانی چه‌ند ڕۆژی ڕابردووی ئه‌ردۆغان و به‌رپرسانی تورکیا دژ به مه‌نبه‌ج، ئاژانسی (Xeber24)ی نزیک له ھێزه‌کانی سووریای دیموکرات ڕایگه‌یاندوووه که شه‌وی چوارشه‌ممه 17ی تشرینی یه‌که‌می 2018 زیاتر له 400 بارھه‌ڵگر چه‌ک و که‌ره‌سته‌ی سه‌ربازیی له لایه‌ن سوپای ئه‌مریکاوه ڕه‌وانه‌ی ناوچه‌ی مه‌نبه‌ج کراون به‌ڵام ئاژانسه‌که جۆری چه‌ک و که‌ره‌سته‌کانی ئاشکرا نه‌کردوووه.
ئه‌م ھه‌نگاوه‌ی ئه‌مریکا پاش ئه‌وه دێت له چه‌ند ڕۆژی ڕابردوودا به‌رپرسانی تورکیا له سه‌رۆکی ئه‌و وڵاته تا وه‌زیری ده‌ره‌وه و وه‌زیری به‌رگری و فه‌رمانده‌کانی سوپا ھه‌ڕه‌شه‌ی ھێرش کردنه سه‌ر مه‌نبه‌جیان کردوووه.
جگه له‌وه‌ش له سه‌ره‌تای ئه‌م ھه‌فته‌یه وه‌لید موعه‌لیم وه‌زیری ده‌ره‌وه‌ی سووریا ھه‌ڕه‌شه‌ی ھێرش کردنه سه‌ر ناوچه‌کانی ژێر ده‌سه‌ڵاتی ھێزه‌کانی سووریای دیموکراتی کردوووه.
کۆدی هه‌واڵنێر: 60103
Your Comment