کوردپرێس: به‌رپرسانی فه‌رمانگه‌ی كشتوكاڵ و باخه‌وانان ئه‌مساڵ نیگه‌رانن له كه‌می و ئه‌و نه‌خۆشییانه‌ی ڕوویان له به‌رهه‌می هه‌نار كردوووه له ناوچه‌كه‌دا و ستار مه‌حموود به‌ڕێوه‌به‌ری گشتیی فه‌رمانگه‌ی كشتوكاڵی هه‌ڵه‌بجه ده‌ڵێت "به‌هۆی گۆڕانكاریی كه‌شوهه‌وا كه له كۆتاییی وه‌رزی به‌هاری ئه‌مساڵ بڕێكی زۆر باران و ته‌زره باریوه، به‌رهه‌می ئه‌مساڵی هه‌ناری ناوچه‌كه به‌راورد به ساڵانی ڕابردوو كه‌متر ده‌بێت".
به گوێره‌ی نوێترین ئاماری فه‌رمانگه‌ی كشتوكاڵی هه‌ڵه‌بجه، له‌و سنووره‌دا 8 هه‌زار و 500 دۆنم باخی هه‌نار هه‌یه و به‌رهه‌می ساڵانه‌ی ئه‌م باخانه‌ش ده‌گاته نزیكه‌ی سێ هه‌زار تۆن هه‌نار.
هه‌ڵه‌بجه دیارترین ناوچه‌ی هه‌رێمی كوردستانه بۆ هه‌نار، به‌رهه‌می هه‌ناری ئه‌و ناوچه‌یه له هه‌رێمی كوردستان ته‌نانه‌ت له عێراق و جیهانیشدا نێوبانگی خۆی هه‌یه به جۆرێک له ساڵی 2013 و له پێشانگه‌یێكی تایبه‌ت له به‌ریتانیا هه‌ناری هه‌ڵه‌بجه له نێو هه‌ناری نزیكه‌ی 100 وڵاتی جیهاندا باشترین بوووه.
سه‌رچاوه: ڕووداو
کۆدی هه‌واڵنێر: 60103
Your Comment