به‌پێی هه‌واڵی کوردپرێس، ڕۆژی یه‌کشه‌ممه‌ 14ی تشرینی یه‌که‌می 2018 عادل عه‌بدولمه‌هدی له‌گه‌ڵ وه‌فدێکی یه‌کێتی کۆ بوویه‌وه‌ که‌ وه‌فده‌كه‌ی یه‌كێتی پێكهاتبوون له‌ ئاسۆ مامه‌ند ئه‌ندامی مه‌كته‌بی سیاسی و خالید شوانی ئه‌ندامی سه‌ركردایه‌تی و بافڵ تاڵه‌بانی.

له‌ دیداره‌که‌دا له‌باره‌ی پێكهێنانی حكوومه‌تی نوێی عێراق گفتوگۆ كرا و وه‌فدی یه‌كێتی بیروبۆچوون و داواكاریی یه‌كێتیان خسته‌ ڕوو و ڕایانگه‌یاند وه‌ک یه‌كێتی له‌گه‌ڵ حكوومه‌تێكی نیشتمانین به‌ به‌شداری هه‌موو لایێک، ئیستحقاقی هه‌ڵبژاردن و بنه‌ماكانی ده‌ستووریش بكرێته‌ بنه‌مای ئه‌و حكوومه‌ته ‌و مافه‌كانی گه‌لی كوردی تێدا به‌رجه‌سته ‌بكرێت.

سه‌رچاوه‌: PUK media

کۆدی هه‌واڵنێر: 60103