به‌پێی هه‌واڵی کوردپرێس، ڕۆژی چوارشه‌ممه‌ 10ی تشرینی یه‌که‌می 2018 مه‌سعوود حه‌یده‌ر كه‌ له ‌خولی پێشوی په‌رله‌مانی عێراقدا ئه‌ندامی لیژنه‌ی دارایی بوو له‌ په‌یامێکدا ڕای‌گه‌یاند: "پرۆژه‌یاسای بودجه‌ی عێراق بۆ ساڵی 2019 پرۆژه‌یاسایێکی سیاسییه ‌و پێشێل کردنی ده‌ستووری عێراق و پێشێلکاری یاسایی تێدایه‌."

مه‌سعوود حه‌یده‌ر ئاماژه‌ی به‌وه‌ش داوه‌ "حکوومه‌تی به‌کاربه‌ر چه‌ند به‌ربه‌ستێکی سیاسی تێدا داناوه‌ بۆ دروست کردنی کێشه‌ی سیاسی له ‌نێوان ھه‌رێم و به‌غدا. پشکی ھه‌رێمی کوردستان به‌ 12.67 له‌سه‌د دانراوه‌ و خه‌رجی سیادێکان زیاتره‌ به‌راورد به‌ ساڵی 2018

مه‌سعوود حه‌یده‌ر به‌ پێویستی زانیوه‌ په‌رله‌مان پرۆژه‌یاساکه‌ بگه‌ڕێنێته‌وه‌ بۆ حکوومه‌ت و حکوومه‌تی عادل عه‌بدولمه‌هدی له‌سه‌ر بنه‌مای به‌رنامه‌ی حکوومه‌تی نوێ پرۆژه‌ یاساکه‌ ئاماده‌ بکات.

سه‌رچاوه‌: شارپرێس

کۆدی هه‌واڵنێر: 60103