به‌پێی هه‌واڵی کوردپرێس، ڕه‌جه‌ب ته‌ییب ئه‌ردۆغان له میانی به‌شداری کردنی له ڕێوڕه‌سمی دانانی به‌ردی بناغه‌ی کۆمه‌ڵه‌پڕۆژه‌یێک له شارۆچکه‌ی قزلجه‌حه‌ماملی سه‌ر به ئه‌نقه‌ره وتارێکی پێشکه‌ش کرد.
ئه‌ردۆغان له‌باره‌ی ھه‌ڵبژاردنه خۆجێیییه‌کانی وڵاته‌که‌ی گوتی: "ئه‌گه‌ر له‌م ھه‌ڵبژاردنانه‌دا ئه‌وانه‌ی که به تیرۆر تێوه‌گڵاون ده‌ربچن ئه‌وا ئه‌وه‌ی پێویست بێت ده‌یکه‌ین و قه‌ییوم بۆ ئه‌و پۆستانه داده‌مه‌زرێنین".
ئه‌ردۆغان گوتیشی: "ھه‌رگیز ڕێگه ناده‌ین به ھه‌ڕه‌شه‌ی ئابووری، سه‌روه‌ری و شکۆی نه‌ته‌وه‌ییمان بخرێته ژێر پێ."
سه‌رکۆماری تورکیا له درێژه‌ی وتاره‌که‌یدا گوتیشی: "تورکیا ھه‌رگیز مافه‌کانی سه‌روه‌ری له بواری ئابووری و سیاسی ناکاته پرسی گفتوگۆکردن. تورکیا درێژه به به‌ره‌نگاربوونه‌وه‌ی بکوژانی وه‌ک فه‌تۆ، داعش و په‌که‌که ده‌دات".
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment