کوردپرێس:

لە کونگرەی سێهەمی حیزبی هوداپاردا ئیحساق ساخلەم، بە سەرۆکی ئەو حیزبە هەڵبژێردرا و هاوکات رایگەیاند، لە بەرنامەی پارتەکەی دا جێگەیێکی گرنگ بۆ پرسی کورد دانراوە، دەبێت لە تورکیا مافی بە کوردی خوێندن زامن بکرێت و هیچ کەسێک لەمەودا خێر بە ئێمە ناکات.

شاندی پارتی و حیزبەکانی دیکەی هەرێمی کوردستان بانگهێشتی کۆنگرەی سێیەمی هوداپار کرابوون لە ئەنقەرە.

پارتی دۆزی ئازاد بە هوداپار ناسراوە، شەش ساڵە لە تورکیا دامەزراوە و لە باکووری کوردستان خۆی وەک رکابەری هەدەپە دەناسێنێت، بەڵام تاوەکوو ئیستا لە پەرلەمانی تورکیادا نوێنەری نییە.