به‌پێی هه‌واڵی کوردپرێس، دامه‌زراوه‌ی ڕاگه‌یاندنی Bloombergی ئه‌مریكی له هه‌واڵێكدا باسی له ڕۆڵی‌ توركیا كردوووه بۆ به‌رهه‌م هێنانی فڕۆکه‌ی جه‌نگیی F-35 و له ‌بواری به‌رهه‌مهێنانی پێداویستیی فڕۆكه‌وانیدا به‌ یه‌کێک له‌ سه‌ركرده‌ جیهانییه‌كان ناوی بردوووه‌ و ئاماژه‌ی به‌وه‌ داوه‌ که‌ گرنگترین پارچه‌كانی فڕۆكه‌ی جه‌نگیی نه‌وه‌ی پێنجه‌م F-35 له‌ توركیا به‌رهه‌م ده‌هێنرێت.

هه‌واڵه‌كه‌ باسی له‌وه‌ كردوووه‌ كه‌ 10 كۆمپانیای توركیا ژماره‌یێک له‌ پارچه‌كانی فڕۆكه‌ی جه‌نگیی F-35ی به‌بڕی 12 ملیار دۆلار به‌رهه‌م ده‌هێنن و توركیا تاكه‌ سه‌رچاوه‌یه‌ بۆ هه‌ندێک له‌ پارچه‌كانی وه‌ک شاشه‌ی كۆكپیت و چه‌ند پارچه‌یێكی دیكه‌.

هه‌واڵه‌كه‌ هه‌روه‌ها به‌ وردی باسی چه‌ند پارچه‌یێكی هه‌ستیاری فڕۆكه‌كه‌ی كردوووه‌ كه‌ به‌ هه‌ماهه‌نگیی كۆمپانیای Northrop Grunman و پیشه‌سازیی فڕۆكه‌وانیی توركی (TAI) به‌رهه‌م ده‌هێنرێت و رایگه‌یاندوووه که‌ ئه‌گه‌ر راده‌ست كردنی فڕۆكه‌ی جه‌نگیی F-35 به‌ توركیا ڕابگیرێت زنجیره‌ی به‌رهه‌مهێنانی فڕۆكه‌كه‌ زیانی به‌رده‌كه‌وێت و ئه‌گه‌ری هه‌یه‌ به‌رهه‌مهێنانی فڕۆكه‌كه‌ دووچاری كه‌موكورتی ببێت.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103