به‌پێی هه‌واڵی کوردپرێس، له‌وباره‌یه‌وه ئه‌حمه‌د كنانى په‌رله‌مانتارى ئیئتیلافى بونیادنانه‌وه له لێدوانێكى رۆژنامه‌وانیدا وتى: "ڕێگه‌ى گه‌شت كردن له به‌رپرسانى پێشووى حكوومه‌ت و ئێستاش كه خه‌ریكه ویلایه‌ته‌كه‌یان كۆتایى دێت، كارى لایه‌نى دادوه‌رییه و ئیئتیلافى بونیادنانه‌وه‌ش له‌گه‌ڵ ئه‌و هه‌نگاوه‌دایه و داواكارین بڕیار له په‌رله‌مانه‌وه ده‌ربچێت بۆ ڕێگرتن له‌و به‌رپرسانه تا نه‌چنه ده‌ره‌وه‌ى وڵات".
كنانی ده‌شڵێت: هه‌ندێک له به‌رپرسانى حكوومى پێشوو گومانێكى زۆرى گه‌نده‌ڵى دارایى و ئیدارییان له‌سه‌ره، هه‌روه‌ها كه‌مته‌رخه‌م بوون له كاره‌كانیاندا بۆیه پێویسته لێكۆڵینه‌وه و لێپێچینه‌وه‌یان له‌گه‌ڵدا بكرێت و ڕێگه نه‌درێت هه‌ڵبێن.
به‌پێى ئاماره جیهانییه‌كان، عێراق یه‌كێكه له گه‌نده‌ڵترین وڵاته‌كانى جیهان و سه‌ره‌ڕاى بوونى داهات و سامانێكى زۆریش به‌ڵام هێشتا زۆربه‌ى ناوچه‌كانى له سه‌ره‌تاییترین خزمه‌تگوزارییه‌كان بێبه‌شن و هه‌ژارییێكى زۆر و بێکارییێکی زۆریش له وڵاته‌كه‌دا بوونى هه‌یه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment